12月份對我來說是非常繁忙的月份, 我家中的兩位老友記都有12月牛一, 而且, 他們兩位的結婚週年也在12月, 加上與各位好友, 公司的飯局, 肚皮想想也很繁忙呢!
而在上星期, 便開始了與好友飯聚的第一餐, 相約各位今次開餐的就是位於旺角新世紀廣場的Greyhouse Cafe.
這餐廳我試過中環的一間了, 當然因為食物美味, 所以與友人再"返兜"食返多一次, 所有朋友沒有意見之下, 我們再encoure多一次吧!
工作關係, 去到餐廳朋友已經點了菜了. 而Greyhouse Cafe是一間提供新派泰式食品的餐廳.
與朋友談了一會, 頭盤便送上了.
這是我非常喜歡的頭盤呢: 薄切三文魚配泰式辣汁; 三文魚既厚度剛剛可以一塊放進口裡! 而且泰式辣汁的辣度我覺得剛好, 非常醒胃!
不少得是必吃的招牌脆炸單骨雞翼及秘製辣肉醬手包粉卷, 前者香口, 後者的辣肉醬配合了西生菜再加埋粉卷, 口感都幾豐富既.
今次頭盤仲叫了我非常喜愛吃的軟殻蟹沙律配蜜糖芥末醬, 軟殻蟹炸得非常香口, 而且仲非常大隻, 3個女仔分享都可以呀.
食左香口既食物, 當然不能夠少左一杯又可能解渴, 又好味易入口既飲品, 而我覺得呢杯特式檸茶, 非常欣賞佢既冰塊都係以檸茶製成架! 所以唔會愈飲愈淡架.
其實我並不能吃辣的, 而我也以為這泰式河蝦冬蔭功湯河會好辣架! 點知好似知道我心意咁, 唔太辣之餘, 而且的蝦仲要又大又彈, 而且仲配合泰式既河粉一齊食, 其實我好喜歡食泰式既河粉架, 大塊又唔會散修修; 我一共食左3碗架!
另外我也非常喜歡另外一款食物: 鮮蝦金邊粉! 真的要讚一讚! 非常醒胃, 而且仲要炒得好乾身, 再加埋又大又彈牙既蝦! 加埋花生碎伴碟一齊食真係非常YUMMY!
冬天我在每一餐都一定要食飯架! 我就食左鮮蝦辣椒膏炒飯, 坦白講佢既外型真係好似印尼炒飯架! 佢只係少左隻炒蛋咋! 咦! 唔係喎, 真係有隻蛋伴碟喎! 不過係咸蛋囉. 入口既飯粒帶有濃郁既蝦膏味呀! 好好味呀......
而我覺得Greyhound Cafe唔單止頭盤同主菜出色, 而且佢地既甜品真係"冇得輸"! 外型討好靚仔, 而且唔係得個樣, 味道仲真係好好好味!
首選一定係佢: 野苺千層蛋糕! 酸酸的野苺汁真的非常醒胃! 3分鐘! 我地用左3分鐘已經消滅左佢了!
而我就叫左香蕉榛子芝士蛋糕! 甜左少少, 而且我發現食左一半就已經好飽.......
當然我也非常like椰子千層蛋糕, 椰子味好濃好濃! 而且睇相都見佢的椰子肉真係多到呢.....好似想跳出黎咁呀!
當晚食飽飽之後, 我地已經約定下次要快的出黎一聚, 一定要交換禮物先得!
又過左開開心心又滿足既一個晚上!
Greyhound Cafe
旺角太子道西193號新世紀廣場3樓301至302號舖
Tel: 2394 6000
沒有留言:
張貼留言