2016年5月15日 星期日

Cake Square 蛋糕初體驗

話說.....上2個星期知道 '尖東忌廉哥' 既報紙檔既將會係5月底結業......而霖霖又好喜愛肥嘟嘟既忌廉哥同忌廉嫂.....所以就抽時間帶埋霖霖去同佢地見吓影吓相!

影完想之後, 我地就週圍行吓拍吓拖.....行行吓就行左入去一個商場個度......說時遲那時快, 我同霖霖就被一間蛋糕店吸引到....... 而霖霖仲提議話: 不如買幾件蛋糕返去一齊同爸爸食啦咁......

好啦! 見你咁乖, 就買3件返屋企大家開心SHARE啦!


況且, 有時我覺得唔開心既時候都會買蛋糕食吓, 令自己開心吓架! 

而呢3件蛋糕係霖霖佢自己選架! 佢真係好貼心, 唔會只係叫我買俾佢食......^^




返到屋企, 食飽晚餐, 霖霖已經好心急叫我攞出黎食啦! 呀, 霖霖佢PICK左呢3款, 包括有:

Cream Burlee with Almount tart 

法式燉蛋配上吉士杏仁醬撻 - $38 


外觀很吸引, 口感幾好同幾好架! 仲真係好似食緊Cream Burlee咁滑溜^^ 


第2件就係 - 72%黑朱古力配上傳統法式 Brownise - $38 


濃濃既朱古力味, 而朱古力蛋糕好夾好MATCH, 
不過唔太好朱古力既朋友可能會覺得會濃味少少架......


霖霖佢係朱古力怪黎架, 幾濃味佢都食到架^^




仲有就係Coconut pineapple cake, 椰子mousse 配菠蘿粒 - $38


呢款相對係最唔甜既, 我奶奶就最BUY....因為老人家唔食得太甜.....


蛋糕內仲有菠蘿粒, 同椰子既搭配幾MATCH, 好清新好FRESH!


霖霖3件CAKE都食曬....... 佢真係好鍾意食甜點.....^^

唔.... 下次去開尖東都去買返幾件CAKE同婆婆開心SHARE先!

Cake square: 成立於2000年,本身業務為客人提供結婚,生日,百日宴,公司宴會等不同類別蛋糕,而每個蛋糕都可以配合客人要求而設計由一磅至數十磅不等

FB: https://www.facebook.com/Cake2HK

2016年5月3日 星期二

<養髮, 健髮之產品篇> 維特健靈維新烏絲防脫洗髮露及維新烏絲精華液試用分享

幾時都話, 要靚真係不能夠鬆懈既, 由頭靚到腳趾尾呢句說話真不是說笑的!

我呢, 介紹過, 試月過好多SKINCARE同化妝品, 但係唔代表我唔認真對待我既頭髮架!  唔好以為我短髮就唔重視頭髮護理呀!  而由於我係短髮, 所以每日都會用定型產品造造型!  所以, 我每日都需要洗頭, 將的HAIR SPRAY呀, 髮泥呀洗乾淨架!

而我本身有頭油問題, 所以我唔習慣用護髮素, 因為都驚個頭會LUP..... 都有試過用話用左冇咁多頭油既產品, 結果就愈用愈乾, 頭皮仲會癢起來添~!  而我又係大汗人, 所以絕對不能令頭皮有LUP既感覺!

直到近來收到了維特健靈既產品乖乖用左1個月了, 情況如何呢?  等我同大家分享啦!


我都覺過我好怕頭髮會LUP, 尤其當見到呢支維特健靈維新烏絲防脫洗髮露 - ($199 , 會員價 $169) 含有中藥成份..... 但原來呢支防脫洗髮露仲包含埋西方植物精華如薰衣草、迷迭香等等..... 再加埋自家精製既何首烏、靈芝同墨旱蓮,而我仲會係洗髮時, 必定會按埋頭皮令到血液循環,令更多營養帶到髮囊,頭髮就會生長得更加快、更健康啦!




我的1個月感覺: 用左差不多3日後, 發現髮質明顯柔順左, 而用左1星期左右後, 見到脫髮問題明顯少左好多!  之前洗完頭之後, 見到浴缸會有一餅脫髮架, 但係依家已經甩了左好多頭髮了!


而如果想防脫髮呢,就要每日用既;而FOR保養用呢,每星期用2-3次就足夠啦!

除左維特健靈維新烏絲防脫洗髮露外, 我仲有用埋 - 維新烏絲精華液 ($350, 會員$315)




我都有講過我驚頭皮LUP所以冇用護髮素既, 但係用呢支維新烏絲精華液我就唔怕啦!  只需要係洗完頭後, 用一分鐘既時間,就能為頭髮補充足夠營養,仲可以促進頭部既血液循環,令頭髮健康生長,免於脫髮添!  而且,為照顧唔同客人需要,盒內仲有長咀搽敷器同噴咀, 而我由於係短髮人, 所以就換上左噴咀, 令到烏絲精華液可以均勻咁噴上頭髮上, 再加以按摩, 就能夠促進血液循環,為頭髮提供足夠既養份,仲會刺激頭髮生長添架!


盒內仲有長咀搽敷器同噴咀供選擇使用


我用噴咀將維新烏絲精華液均勻地噴上頭髮, 再按摩頭皮


所以呢個月既頭髮真係健康左好多架! 呢幾款產品功不可沒!



咁近頭皮都唔見LUP, 成績幾好吧!  而且認真說, 白頭髮問題大大改善左好多好多架!  
記住只需要早晚各一次使用就OK啦!


其實, 我仲有秘密同大家講架~ 其實我想我既頭髮更健康同甩少的頭髮, 所以我仲食緊維新烏絲素 ($449) 針對內在調理架!  呢個遲少少再同大家分享啦!

維新烏絲素 FB: https://www.facebook.com/vgvitahair

謝謝維特健靈試用邀請!