一家大小衝出香港食買玩 - 觀瀾湖兩日一夜霖霖慶祝生日之旅_Day 2

YO~ 黎到第二既既行程啦~ 想睇返第一既行程係呢度重溫啦: http://bit.ly/2Y00jSw

一早起身, 梳洗完之後, 見到終於停左雨啦~ 一於係露台影吓相先~

影完相, 第一時間去食早餐BUFFET先~ 呢度既早餐性價比超高, 好豐富, 食物品種好多~ 而呢個早餐係PACKAGE內包埋架~

食飽飽又停左雨, 一於再去個觀瀾湖生態體育園度玩先~ 希望唔好玩玩吓落雨啦~ 

去到個觀瀾湖生態體育園遊人唔多, 一於玩盡佢先~

由於霖霖係一個大膽既小朋友黎, 所以佢係任何既機動遊戲都夠膽玩~ 

2父子仲有咩啱玩? 玩男仔野囉~ 射擊都幾刺激架~

男子組玩既野我唔太啱, 我就週圍影吓相打吓咭先~

玩完一輪遊戲, 不如改變吓~ 做吓手工先~ 係新城前少少既方向有一間手藝工場, 而係PACKAGE內就可以選擇傳統手工藝項目體驗一次, 而霖霖選擇左整皮革~

駐場既皮革師父好細心咁教導霖霖由選擇皮革, 到打孔, 穿線, 搽上皮革膠水, 到縫合, 一步一步咁完成製成品, 滿足感真係幾大架~

完成啦~

畢業啦~ 霖霖製作左一個專屬佢既皮革啦~

而係現場仲有好多手作既皮革製成品賣架~

整完手作, 又係時候食野啦 (呢個旅程成日都係食食食既~)

今次不如食吓特別環境既地方啦~ 

呢間位於生態體育園既巴廸奧冰室, 佢主打係懷舊小食, 仲有好受香港朋友歡迎既香滑奶茶~

開心既時間過得特別快, 食飽飽之後, 又係時間返香港啦~! 

呢2日既節目真係好豐富好開心; 暑假係好多家庭都會選擇出遊去玩既日子~ 

近近地離開香港又啱BUDGET既, 我覺得呢個地方同合適作短線親子遊架~

想了解多的返觀瀾湖既PACKAGE, 上佢地既FACEBOOK睇睇啦~: 

https://www.facebook.com/missionhillschina/

另外我今次係BOOK左PACKAGE, 如果想了解多的可以睇睇呢度架:

家庭套房package: https://lihi1.com/VPy7C
生日佈置的連結：https://lihi1.com/XNVcB
繽紛親子渡假套餐連結：https://lihi1.com/fq3AA

以上介紹希望各位都鍾意啦~

一家大小衝出香港食買玩 - 觀瀾湖兩日一夜霖霖慶祝生日之旅_Day 1

睇睇日曆, 原來已經來到7月份了~ 而7月份係各位家長最忙碌既日子~ 點解呢? 因為各位小朋友開始佢地既暑假日子啦!  點解會咁忙? 咪因為要安排唔同既暑期活動呀~ 興趣班呀~ 甚至係黎一個小旅行!  不過如果安排左唔同既暑假班,  安排唔到咁多日離開香港既話, 短短地上大陸玩兩日一夜都唔錯架~ 依家大陸都多左好多好適合一家大小去玩既地方架~ 而我當然有好介紹啦~!

話說上兩個月 (5月同6月份) 分別係我個小男神 - 霖霖, 仲有我同添爸爸既生日, 所以我一早已經週圍問唔同既朋友有冇的PACKAGE介紹, 而我有朋友仔就特別介紹左觀瀾湖俾我, 仲同我講: 呢個PACKAGE係特別為生日而設架, 而且個BUDGET仲係好吸引, 好抵玩添架~!

所以我特登係4月已經預定左呢個 <2日1夜觀瀾湖繽紛親子度假套餐>, 而且由於係霖霖既生日, 所以我仲加左個生日佈置既PACKAGE, 等霖霖過一個難忘既生日先得~

由於個套餐係包埋由皇崗口岸至球會既返穿梭巴士服務, 所以我一早預訂左了~

好緊張呀~ CHECK IN完房間之後, 我心情好緊張呀~ 唔知霖霖見到我為佢而設既驚喜會唔會好驚喜呢? HEHE~

Yeah~ 壽星仔非常驚喜, 仲係咁話"好大陣象"呀~好搞笑呀~ 

而我今次BOOK既就係高級豪華（山景）客房一晚黎, 可以見曬成個高爾夫球練習場架~! 不過當日天氣唔太穩定, 所以就冇得出去打吓GOLF啦~ 

房間有露台, 可以係度飲杯COFFEE RELAX吓~

影完相個肚已經打緊鼓啦~ 立即要去醫肚先~ 到步既第一餐, 我地選擇左食日本野~ 同大家講

返先, 餐飲方面, 呢個PACKAGE係包豪華自助早餐,  觀瀾湖自助晚餐一次或者500元餐飲現金券, 所以我想試多的唔同款式既餐飲, 所以今餐就用餐飲現金券啦~

食飽飽當然要周圍睇吓有咩玩先~ 由於係週末時間, 可以參加親子烹飪課體驗, 為食既霖霖第一時間就話要參加啦~ 你地估吓整咩食物先?  係~ 包雲吞呀~ 包完仲有師父即場為各位煮, 即場食返自己既製成品添~

整得有版有眼架~

仲同爸爸分甘同味添~

好滿意喎~ 成碗食曬架~

又再食飽飽啦~ 跟住去邊度玩呢? 要玩的刺激的既~ 去玩酷跑卡丁車!  酷跑卡丁車位於觀瀾湖新城巴迪奧商場旁, 係酒店有直接車到達新城既門口, 非常之方便!  而新城巴迪奧商場係一個我覺得非常好行, 集中同好啱一家大細行既商場黎~    講返酷跑卡丁車先, 當初都擔心霖霖佢冇得玩, 好彩原來有親子車, 可以同埋爸爸一齊玩, 我都放心的~ 而佢既收費仲唔係好貴添!

而我當然都有玩返轉啦~ 我仲有爬頭同甩尾添~ 好刺激呀!

刺激過後, 其實新城巴迪奧商場仲有冇咁刺激既活動都啱小朋友玩既~ 就係蹦床床公園啦~ 呢個唔係平時我地去既公園黎, 係一個大小朋友既"放電"公園黎架~ 佢既收費好抵, 一個收費就可以玩好耐添~

放電得咁開心, 唔好俾佢停啦~ 我知道係新城附近有個觀瀾湖生態體育園, 雖然當日天氣時晴時陰, 但係我都想去夜探一下架~ 因為日同夜既生態體育園有唔同玩法同感覺架~

仲有超正打咭位~

影影吓相仲落起雨黎添~ 唯有希望第二日天氣好的再同霖霖黎玩機動遊戲啦~  呢個時間, 快的去食晚餐先啦~ 我仲準備左另外一個驚喜俾霖霖架~^^

晚餐我就選擇左食西餐 - 巴迪奥餐廳位處於生態體育園內, 係體育園出口附近, 食品主打西式, 美味之餘好啱同朋友飲吓野一齊CHILL吓, 而且餐廳內有駐場歌手唱歌, 好有FEEL架~

食物我就ORDER左以下既: 洋蔥湯, 意粉, 燒雞, 漢堡包同炸魚~ 而我覺得個雞比較驚喜~ 好JUICY同唔"鞋"架~

另外一個驚喜出場啦~ 就係我訂既生日蛋糕啦~ 

Happy Birthday 霖霖 ~ 生日快樂~ 身體健康~ 乖乖地呀^^ 

第一日既慶祝活動完成啦~ 早的返酒店休息先~ 聽日既節目都好豐富架~

已經急不及待想了解多的, 就上返觀瀾湖既FACEBOOK先啦: 
https://www.facebook.com/missionhillschina/

以下係觀瀾湖既PACKAGE詳情: 

家庭套房package: https://lihi1.com/VPy7C

生日佈置的連結：https://lihi1.com/

套餐連結：https://lihi1.com/fq3AA