這幾星期以來, 天氣已經開始轉涼, 代表秋天已經正式來臨了. 除了要幫衣櫃轉季之外, 當然唔少就係要轉換合適天氣既護膚品啦!
我之前都有同大家講過, 精華素對我黎講, 係所有護膚產品之中, 佔有非常之重要既位置. 而不論補濕, 去斑, 去紋, 收細毛孔......等等我都要買返黎用既, 因為要配合皮膚既不同狀態. 而價錢我覺得"一分錢一分貨", 如果效果好, 我當然會回購啦. 而係我既回購率主攻佔第一位既, 佢係必然之選:
Lancôme Advanced Génifique嫩肌活膚精華肌底液 (售價：HK$680 - 30ml)
其實我早前已經分享過佢既出眾之處, 試完之後我仲介紹左俾好多朋友用, 而我當然有keep住用啦. 而近來仲推出左升級版, 新版本特別之處, 就係佢既專利自動導管, 每滴注入接近40%活性成分，精華不單止比第一代既嫩肌活膚精華肌底液更清新滋潤，而且更快被肌膚吸收架。
而經常係晚上先能夠做野, 加上沒有足夠睡眠, 皮膚當然會決水一同出現乾紋, 好似冇曬水份既乾棉花一樣, 但係用左Lancôme 嫩肌活膚精華肌底液大約7日, 皮膚既乾收紋改變左1多之外, 最驚喜就係呢幾日咁乾既天氣, 皮膚都冇咩"甩粉"既問題出現, 每日都只係需要補一次粉底咋!
Lancôme亦都對34位女性作出8星期既臨床測試，結果顯示女性使用Advanced Genifique後，能助十大標準作明顯提升, 而十大標準包括: (細紋, 皺紋,光澤, 透澈度, 膚色, 質感, 彈性, 飽滿度, 緊緻度, 輪廓).
而我對佢最喜愛當然係佢既全新包裝設計: 導入棒改良，製成獨家專利高效自動導管。一扭一click，而我會係一click之後搽勻全面, 再一click搽落頸部打底之用.
Advanced Génifique質地好快被我既"乾手"吸引曬了.
除此之外, 今次我仲一齊使用了另外一 Advanced Génifique的成員 -
顧名思義, 呢支係for眼部使用既肌底液黎, 而不坊同大家講, 我想試佢既神奇功效好耐架啦! 呢支亦都係"打底", 之後再要使用eye cream既產品既. 佢仲結合獨家冰鑽亮眼導入棒，以鑽石打磨技術，360度環迴設計，全面活化眼部肌膚。要知道我地經常會作眼部化妝, 但係我地又夜訓, 而且有時因為美觀而會配帶con, 所以我不嬲都好小心選擇眼部產品既. 而我當然最like就係佢既獨家冰鑽亮眼導入棒, 當眼部感到疲倦同出黑眼圈, 用呢支導入棒係眼部打圈幾分鐘, 而如果眼部仲有肌底液既話, 不坊再用第3, 4手指用按壓方法, 令眼部皮膚更快吸收肌底液呀! 我過去一個星期就係咁樣同眼部按摩呢! 好快已經見到成效了. 依家係我眼部既修護程序係不能決少既步驟呢!
沒有留言:
張貼留言