初春護膚活動分享 ~ SK-II LIGHTING UP YOUR FUTURE活動及MAGIC RING肌膚雲亮測試首度發表!

雖然依家既天氣仲係乍暖還寒, 但係其實過左立春, 即係代表春天已經很快來臨啦!  而係春夏必備同必用一定係美白產品!  坊間經常覺得美白產品會痴納納既, 我之前都有呢個感覺!  但係當你認識了這對美白孖寶, 你必定會愛上佢地既!

而早前我就出席左產品既發怖活動啦, 而呢個仲係SK-II係2016年既第一個活動添!

一起同我回顧呢個活動啦:

活動上已經有2款新品同主角等緊我啦:  

其實紫外線真係皮膚既大敵人黎架!  唔好以為得太陽有, 其實LED燈, 電腦屏幕都有架!  而紫外線更係造成肌膚老化同黑斑既主因!  而當有黑斑形成時, 化妝都遮蓋唔到好多架, 所以非常建議用美白產品去改善問題既!

而今次SK-II就推出既美白新品 GenOptics Aura Essence 肌源鑽光系列, 成員有:

GenOptics Aura Essence 肌源鑽光精華及GenOptics Spot Essence 肌源淨斑精華, 採用左鑽光淨白複方, 增加肌底鑽光MICRO RNA因子, 有效修護紫外線引起既10大傷害, 並減少壞蛋白質形成, 阻止黑色素侵害, 改善膚色及提升肌膚亮度添!  而皮膚我最著重就是光澤度, 因為依家咁興韓國既水潤妝, 如果有斑呀或者色素唔均衡真係點化妝都唔靚啦~

初春既天氣咁潮濕, 最怕就係"立"同唔吸收產品, 而呢2支GenOptics Aura Essence 肌源鑽光精華及GenOptics Spot Essence 肌源淨斑精華我第一時間試左上手啦~

WOH!~ 好快吸收曬~ 而且仲一的都唔"lup"添!

講幾多都好, 都有要實驗黎證實一下產品既成效既, 不如睇吓呢個測試先啦!

首先為3塊麵包搽上精華, A是GenOptics Aura Essence 肌源鑽光精華, B同C係唔同牌子既精華, 之後就開焗爐去到1000W.... 係呢個TEST就證明左GenOptics Aura Essence 肌源鑽光精華能夠有效抵禦紫外線既傷害.... 而另外2款精華就不能夠有效咁抵禦紫外線LU.....嘩.....所以話搵啱既美白產品幾緊要先得架!

而今次既產品設計上, 我都覺得要俾個讚!  SK-II今次就顧客既需要, 特別設計左創新自動補充滴管, 只要輕旋產品既蓋, 內裡既吸管會填充每次使用既精華劑量, 啱啱好足夠全塊臉用架!

另外, 今次仲有另外一個重要技術 - MAGIC RING肌膚測試既新功能 - CLOUD METER 肌膚雲亮測試, 係全球首個膚測試儀器去將皮膚底層形象化, 透過量化臉上斑點同暗沉, 分析肌膚淨透度與淨透範圍而得出肌膚淨透指數!  而亮白線內既區域越大, 並黑色線與藍線之間既雲區越小表示肌膚越鑽光浮白; 相反面積較少, 表示肌膚受到紫外線侵害, 使色斑形成, 阻止肌膚透出自

然光采~

另外想同大家講吓我對美白產品既迷思既: 記得小時候用產品也經常被問到用產品是要互相配合既, 所以GenOptics連同神仙水一併使用既效果最佳!  而日間就可以使用GenOptics Spot Essence 肌源淨斑精華抑制黑色素產生; 而夜間就GenOptics Aura Essence 肌源鑽光精華改善膚色同去除頑固色斑問題!

俾大家睇睇我用GenOptics Aura Essence 肌源鑽光系列之前既MAGIC RING啦:

認真講係非常唔滿意架!  其實早前因為進行了水光槍療程, 所以皮膚狀態較乾~  

不過我已經開始左我既鑽光美白之旅, 我有信心我既狀態好快會改善過來架!^^

同場加映SK-II活動中令我最期特既美食, 每一次都好靚好靚, 仲好好食添架!  

新既一年, 仲有新既PASSPORT派發添^^

令我既皮膚回複有鑽光, 努力用 肌源鑽光系列先得!

GenOptics Spot Essence 肌源淨斑精華

HK$880/30ML

HK$1230/50ML

HK$1780/75ML

GenOptics Aura Essence 肌源鑽光精華

HK$990/30ML

HK$1530/50ML

HK$2110/75ML

推出日期: 2016年3月

銷售點: SK-II 概念店及全線美容專櫃.

家用的透明質酸系列 – L’Oréal Paris透明質酸充盈導入系列 試用分享

其實依家用透明質酸作為醫學的美容及修飾真的非常普遍! 我也有聽過食LUNCH時去做個醫美, 之後就變靚左既情況! 在我而言, 我也有朋友問過我有冇興趣做, 坦白說現階段我覺得並不是有需要, 因為我發現有家用也有合適產品也能幫忙這狀況!

大量研究表明，人體皮膚表層（角質層）水分含量約佔15－30%。透明質酸是人體真皮層的其中一種成份，具備保持水份的能力，份量更高達其本身重量的100倍，使用含有透明質酸HA的保養品，可以改善乾燥和已出現皺紋的肌膚，使其恢復原有的光滑和彈性，因此，透明質酸是改善乾燥及老化肌膚的最理想產品。

而我搵左咩產品幫手呢? 就係L’Oréal Paris透明質酸充盈導入系列啦!

佢共有3款產品包括:

L’Oréal Paris Revitalift Filler [HA] Micro Volumizing Essence 活力緊緻 透明質酸 充盈導入精華 (HKD $249/15 ml)
產品特點: 利用首個透明質酸導入科技, 將 10 倍高濃度既透明質酸, 利用革命性設計既滴管導入皮膚, 填充面部肌膚飽滿感。 

L’Oréal Paris Revitalift Filelr [HA] Revolumizing Cushion Cream 活力緊緻 透明質酸 充盈導入霜 (HKD $245/50 ml)
產品特點: 將微分子透明質酸及 FIBROXYL 抗皺及緊緻肌膚的活性成份導入肌膚, 撫平細紋、重塑肌膚飽滿感。

L’Oréal Paris Revitalift Filelr [HA] Eye Volume Redefiner 活力緊緻 透明質酸 充盈導入眼霜
(HKD $215/15 ml) 將微分子透明質酸及 FIBROXYL 抗皺及緊緻肌膚的活性成份導入眼周肌膚, 飽滿淚溝、修減眼袋及減淡眼紋。

而3款產品既使用步驟係------> Essence -> Cream -> Eye

首先, 使用L’Oréal Paris活力緊緻 透明質酸充盈導入精華先, 佢既滴管導入皮膚真係好好用; 搽完之後, 佢好似幫我填充了面部肌膚, 令到皮膚有飽滿感! 佢仲特別針對蘋果肌同下巴輪廓, 我覺得用左之後, 提升左輪廓同埋面部保濕提升 , 而我仲有加埋少少拉提, 令個ESSENCE更快被吸收!

用完精華之後, 之後就係用L’Oréal Paris 活力緊緻 透明質酸充盈導入霜 搽CREAM係呢個咁凍既天氣係必須既! 而用上呢款CREAM可以撫平細紋; 唔好以為有用產品就OK啦, 我地食日笑啦, 都有好多表情紋架, 所以呢款CREAM佢既微分子透明質酸導入皮膚後, 可以減少細紋! 而我就搽產品千奇唔好忘記搽咀角呀! 因為呢個位好易俾人知道你既年記架! 所以要留意呀! 

最後就係用眼霜啦! 我每日都要用EYE CREAM架! 因為會帶CON, 帶既時候仲會拉扯眼皮, 所以眼霜不能決少既! 而L’Oréal Paris 活力緊緻 透明質酸充盈導入眼霜 佢既質地好快被我隻眼仔吸收曬! 佢既質地我都好LIKE, 唔會容易引起油脂粒, 而我由於成日對電腦, 所以眼圈都好深同埋有眼紋, 但係用左呢款EYE CREAM, 你地睇吓我對眼既分別幾大! 眼紋即刻撫平左呀! 冇p圖架! 好可能佢既活性成份導入眼周肌膚發揮左佢既最大功效, 令到我隻眼立刻修減眼袋同減淡眼紋呀! 大愛呢支EYE CREAM呀!

所以話要靚唔使痛既, 用合適既產品就OK啦!

想了解更多並索取試用裝：http://truthaboutaging.loreal-paris.com.hk/form.html

產品試用由SHE.COM提供.

踏上春日的浪漫漂泊之旅@DK Cuppa Tea 品嚐「春天樂章」下午茶

聽日就係甜蜜浪漫既情人節啦! 如果仲係拍緊拖既愛侶, 可能好緊張咁要訂花, 搵地方食TEA食飯咁啦......而我呢, 覺得其實只係同愛你同你愛既人, 幾時邊刻都可以好浪漫, 好溫馨..... 我著重佢既心思同誠意, 去邊度食同食咩我都咁SWEET SWEET架!

唔知點解, 一見到的花花呀, 紫色等等我都聯想到浪漫既感覺....而我係早幾日就感受到了!  而如果係呢一刻仲未諗到同你既另一半食咩既話, 我極力大力推介食呢個咁浪漫既
「春天樂章」下午茶: DK Cuppa Tea 伴你踏上浪漫的漂泊之旅

隨着冬天的過去，風和日麗的春天即將來臨。為迎接新一年的開始，DK Cuppa Tea送上「春天樂章」下午茶，不但帶來五感享受，甜蜜的花香更令心情愉快。

由2016年2月11日起至2016年4月30日，位於上環的DK Cuppa Tea 及位於蘇豪的DK Aromatherapy，兩間分店都可享用這如夢如幻既下午茶。

首先來一杯冰凍既”玫瑰花園特飲”或是暖笠笠既每日精選有機香薰茶: 而我當日飲用既係薰衣草茶來的!

玫瑰花園特飲唔止好飲, 外型仲係100分架!  你地睇吓!

首先吸引眼球既係一座擺了永生花既摩天輪!  女仔見到一定會眼金金既!  因為真係好靚嘛!

滿足完眼睛之後, 就可以開始品嘗鬆脆既三文魚酥同花盆造型鹹點啦! 如花束般既鹹點有共四款口味(共有八朵花架!) 包括巴馬火腿、山葵帶子、蝦沙津同呑拿魚沙津!  個人最喜愛山葵帶子!  最有驚喜係伴著帶子個片葉~! 好MATCH! 而不少得仲有伴以奶油同果醬既英式鬆餅, 熱熱的很鬆化美味!

而不少得要迎接屬於春天既精緻甜品：如幻似真既韓式花瓣薰衣草cupcake同食用鮮花瓣襯托着既柚子cupcake!~

清新既柚子芝士蛋糕及心型馬卡龍!  坦白講馬卡龍唔易整得美味同討好, 但係呢2個馬卡龍我真係得得好好味好易入口, 簡直係要追黎食架!  而仲有係非常好味既玫瑰花瓣曲奇同薰衣草口味日式壓花曲奇!  日式壓花曲奇唔係咁易整架!  最後以我覺得佢好SWEET同好有心思既心型柚子朱古力為呢個咁浪漫既旅程劃上句號先!

浪漫又點可以缺少美味既‎紫薯‬雪糕先>>>>>

咁就為之完美啦!

喜愛花花既你, 你仲可以一邊享用下午茶, 一邊帶上為你準備既花花頭飾同花球SELFIE架!

「春天樂章」下午茶 (最少兩位起) 定價為每人$ 298元!  而細心既DK Cuppa Tea 將會贈送「魔法咭」五張，每張「魔法咭」都會介紹一種香薰精油及其療效!  每天抽一張（或全部）最適合您的！

唔單止有得食, 仲有得玩架! DK Aromatherapy既香薰治療師為您同你既最愛呈獻三個工作坊迎接呢個浪漫季節架！分別有:

1.藍眼護身符頸鏈及魅力香水工作坊。提升您魅力之餘，同時遠離嫉妒的眼光。

每位 $380(原價$580)，兩位起，並附送心意卡乙張! 

2. 永生花禮物盒DIY 套裝。客人可加$399 /清新版；$599 / 心動版; $799 元/貴氣版，

自製永生花禮物盒（附有魔法香薰油 “Fascination Blend”一瓶），將魅力既香氣送給您的摯愛

3. DK Cuppa Tea是次更加入了DIY元素，確保客人可以享受一個既美味又好玩的下午茶體驗。客人只需加港幣$98(包兩件cupcakes)，就可以用食用鮮花或法國威化花，裝飾屬於自己的cupcake，更附送禮物盒及心意卡，製造一份獨一無二的禮物給自己或您的摯友啦!

呢條咁SHARP既藍眼護身符頸鏈我非常喜愛呀!  你地食完TEA都要參加香水工作坊攞返條你既專屬護身符頸鏈, 幫你提升魅力呀!

DK Cuppa Tea地址：上環 新街市街 19號地鋪 & 香港 中環 士丹頓街 16A 地下
致電訂座 - 中環: 27712847 / 上環: 23863588