<搶先試食> Hello Kitty Obrigado 正式入侵澳門! 萌爆手信搶先試食!

去澳門梗係要買手信~買手信啦~ 買咩手信? 仲問? 梗係HELLO KITTY啦~

唔係呱~ 又係HELLO KITTY? 係呀, 繼開CAFE, 開中菜廳, 連飛機都發現佢既蹤跡後, 呢個旋風終於吹到澳門啦~  KITTY小姐為大家帶來首間主打澳葡特色手信的專賣店 ─ Hello Kitty Obrigado!  大家冷靜的睇睇我既分享先...... 有咩手信先?

手信包括：北海道牛乳葡撻、Hello Kitty 豬肉乾、澳門版 Macaron、杏仁餅、紐結糖及曲奇餅等，由包裝去到食物品質都一絲不苟架! 第日去玩到澳門旅遊同食野，買手信又有更多選擇啦~ 仲有呀! 呢間店仲有HELLO KITTY粉絲一定會影過不停既Hello Kitty 葡撻, Hello Kitty 馬卡龍同Hello Kitty 曲奇啦~

而係早幾日, 我就收到以下既澳葡手信, 包括:

Hello Kitty 杏仁餅: 有別於傳統杏仁餅，鬆脆可口，並有香濃的杏仁味。

4 款口味包括：

純正杏仁

綠茶杏仁

獨家炮製的朱古力杏仁

仲有咖啡杏仁~

同事COMMENT: 綠茶味好綠茶, 咖啡味好咖啡........^^

Hello Kitty 紐結糖:  備有花生牛奶及朱古力脆米選擇，奶香可口，煙韌美味~

呢2盒紐結糖開左冇15分鐘已經俾我的同事完全消化曬啦~

全場最吸睛必定係佢 - Hello Kitty 豬肉乾,  全澳得呢間Hello Kitty Obrigado獨有架! 唔係度度都有架! 呢個Hello Kitty 造型豬肉乾，絶對是高成本製作! 據聞推出後立即成為澳門必買手信添!

差的唔記得添~ 有呢個咁靚既咖啡杯, 等我一邊仲杯Cappuccino飲, 一邊食紐結糖先!~

而為慶祝澳門新店開幕，Hello Kitty Obrigado 特別推出期間限定─ 士多啤梨味曲奇作慈善義 賣，收益全數撥捐至澳門奧比斯支持「救盲行動」，幫助失明小朋友重見光明。慈善曲奇每塊 MOP 20，而惠顧慈善曲奇或店內既任何貨品，可以獲贈 Hello Kitty 澳門別注版磁石貼架!

除 Hello Kitty 造型曲奇及葡撻外，其他矚目手信當然少不了 Hello Kitty 馬卡龍！Hello Kitty Obrigado 共推出 13 款口味馬卡龍，每款都印上 Hello Kitty 及澳葡特色圖案架!

而我呢就呢去過一轉大海, 真身去捧場, 真身試吓飲Hello Kitty優質即磨咖啡及特飲架!  而聽日既開幕剪綵嘉賓就係人見人愛既糖妹啦~ 等我去澳門之後返黎既報導啦~^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Hello Kitty Obrigado 地址：
澳門板樟堂巷 5 – 7A 百好大廈地下 A 舖(議事亭噴水池附近) 
電話：+853 2835 6543