好日都唔會係上水出現既我, 係上星期六, 特意到達了上水廣場, 出席了《TefuTefu™美肌V面約會》的活動.
V面同美肌, 相信個個女士都希望擁有, 而我當然也不例外啦!
而且當日我仲有另外一個重要任務架, 就係擔任大會既示範模特兒啦, 計埋上次 BIO-ESSENCE, 我已經係第二次做示範模特兒了.
TefuTefu™既代言人係關二嫂 - 黃智雯雖然冇現身, 不過唔緊要, 因為當日既嘉賓陣容非常之咁"犀利"呢!
好, 回返帶子去返上星期六先!
當日首先由擔任司儀既李綺雯 (靚妹)出場, 我都有同佢影返張合照架.
其實當日既節目好豐富架, 首先由幾位美肌達人同星級化妝師分享一下使用產品既心得先.
之後就由文凱玲Connie演繹煥發精神潤手乳既小劇場, 佢扮演一位忙碌既OL, 係忙碌既工作中, 用上TefuTefu™既"潤手乳"用黎滋潤雙手, 而且氣味又清新, 做野做到倦就可以用佢既香味黎REFRESH一下, 係再黎就係現場邀請嘉賓一齊玩遊戲
之後就由近來會係晚上既8:30PM時間見到既石天欣Tina演繹另外一個小劇場 - 戰勝角質層‧白之水滴; 其實我覺得白之水滴既去角質真係不錯, 尤其夏天會穿上涼鞋, 容易積聚死皮, 用佢係有死皮既地方打圈幾下, 好快就可以將死皮帶走.
最後就係由日日係報紙見到既夏尉喻Barbie演繹BB Cream快速上妝, 我都有份玩呢個遊戲架 (其實當日有兩場活動, 我係第二場, 姐係唔係我做示範MODEL個場參與了遊戲, 而且我仲有豐富既獎品添架, HEHE!)
係小劇場之後, 就到我出場啦!
係清潔完之後, 美容師就用上了TefuTefu™既蜂毒塑型緊緻睡眠面膜, 利用正確既按摩手法, 為我作了通淋巴既步驟, 不消幾分鐘,
我塊面已經立即"V面"了. 而點解佢既成效咁快見到既? 其實因為佢既成份- 蜂毒 - 被譽為天然安全的Botox，具有緊緻功能，極具保濕、高效舒緩抗菌，能瞬間提升皮膚的癒合性能，有效改善粗糙及乾燥肌膚的問題, 所以我依家一星期會用幾次幫皮膚保濕架.由於我MODEL冇影到相片, 所以唯有"借用"相片一用了 (相片出處: http://www.theztyle.com/home.php?mod=space&uid=20558&do=blog&id=210448) THANKS!^^
示範完之後, 即刻要影返張相做個對比先, 半邊面當堂V曬, 瘦左.
其實V面對需要上鏡既ARTIST黎講真係好重要, 好似靚妹話,
個身瘦, 但係就"包包面",
真係好惡攬囉......
真係好惡攬囉......
當日都同左幾位嘉賓影相架! 之外......
當日既其中一位分享嘉賓係星級化妝師 - 大哥賢, 佢......讚我化妝靚呀......就係因為呢個妝啦...... (係玩遊戲時化的一個妝黎), 好開心呀!
不過當日時間比較趕, 所以冇影到"即影即有"相片呀.......
黎緊再同大家詳細分享一下用TefuTefu™既產品分享啦!
沒有留言:
張貼留言