優先預覽: 香港貿發局第26屆教育及職業博覽活動詳情介紹

其實依家做家長真係一門學問黎!  我又唔想佢太大壓力, 但係我又會耐不耐比壓力佢....... 

我想佢係一個開心既學習環境, 而且良好既學習資源係好緊要既!  而我亦都會好關註霖霖既需要, 希望俾佢最好既學習成長環境!  所以今日受到邀請, 去左貿發局既教育及職業博覽, 希望搵到合適佢既教學方法,  而我都唔排除佢第日可以去外國升學添架!

其實我一路都知道教育展有好多唔同既升學同學習資料, 但係原來唔深入了解, 發展原來真係有好多課程同升學資料架!  等我同大家一起睇真的啦:

唔多BOOTH, 去了解咩資料先?  我呢, 自細就有個心願, 希望可以去外國讀酒店架!  所以今日首先來到瑞士理諾士國際酒店管理大學既BOOTH; 唔講唔知, 係2013年8月TNS全球調研一項對全世界5星級酒店既招聘經理既調查裡, 理諾士被評為全球最優秀的三所酒店管理學院之一! 加上佢仲有暑假遊學團可以比學生報名, 我覺得如果有家長驚子女一下子唔適應, 可以比子女報讀預先適應下先既!

而我都又聽朋友講過, 愛爾蘭既升學前景都唔錯架, 睇章程都覺得好吸引~!  而我覺得佢最吸引係佢既學費好吸引, 想比之下較有優勢~!

諗諗下, 霖霖咁鍾意畫畫, 不如都去留意下關於藝術既課程呀!  呢間學校係位於本地既薩凡立藝術設計大學, 如果佢真係有興趣讀, 咁佢都可以留返係香港, 我又成日可以見到佢嘛~! 講到尾, 我都想佢留返係香港讀書既~ 而我相信可以快人一步邁向藝術和設計事業成功既康莊大道!~

接下黎, 去左一個我自己都好有興趣既行業: 寵物美容!  可以成日見到可愛既狗仔又可以同佢扮靚, 而且收入都好似幾好咁!  如果想做多份PART TIME, 都可以諗諗~ 佢地完成課程後仲可以係日本做寵物美容師架!  我覺得真係好啱愛小動物既朋友修讀, 仲可以成為事業和職業添!

而我地去到國際專業寵物美容學院個BOOTH既時侯, 仲見到可愛既狗狗, 佢剛剛做完修毛, 幾靚仔呀~

人人都講政府工係鐵飯碗, 所以我都留意吓政府部門既資料; 黎到機電工程署,  發現佢地既進修、培訓途徑、發展、晋升機會同就業前景真係幾完善, 好似幾啱循序漸進既同學仔~!  成就專才, 又可以有一門專業資格添!

而今次既教育展宣傳片[遊戲‧人生] 都拍得幾特別架!  而今日拍攝呢條片既Youtuber 仲來到會場, 吸引非常多既朋友聽佢地既分享添! 

今日了解左好多不同地方教育同職業既資料, 如果你地都想了解多的一定要黎睇多的,  了解多的啦!

HKTDC香港貿發局教育及職業博覽:

日期：1月28至31日（公眾人士免費入場）

地點：灣仔香港會議展覽中心

開放時間:

展覽日期	開放時間
1月28至30日(星期四至六)	上午10時30分至下午7時
1月31日(星期日)	上午10時30分至下午6時

(*展覽會每日關閉前45分鐘停止參觀人士進場)

入場人士: 開放給公眾人士參觀 (免費入場)

而跨媒體創作人鄭丹瑞先生將會在1月31日黎會展分享佢嘅心得! 想親臨一睹佢精彩嘅講野技巧，咁就要留意以下活動時間喇!

活動: <說話的藝術 – 演講技巧致勝>
內容：與年青人分享演講技巧及如何更有自信地表達自己，從而在升學或就業面試中脫穎而出
日期：31/1
時間：3pm – 3:45pm
地點: 展覽廳1D交流園地
備註: 免費入場，首100名 <說話的藝術 – 演講技巧致勝> 分享會的參加者, 即可在現場參加抽獎，贏取IPad Mini一部。得獎幸運兒將會在現場抽出，並帶走獎品!

了解更多活動詳情：http://goo.gl/44it0P

教育及職業博覽官方網址:
http://www.hktdc.com/fair/hkeducationexpo-tc/香港貿發局教育及職業博覽.html