澳門必睇推介 - STOMP獨家傳媒活動優先預覽!

YEAH!  好開心呀!  今日係中秋佳節!  祝各位中秋節快樂呀!

聽日係假期, 仲連續放3日假, 又想去吓玩, 近近地去邊度玩吓食吓野先好呢?

我呢, 如果有3日假期, 我都會心思思去澳門既.... 梗係啦, 又有好野食, 又有咁多唔同既SHOW睇, 最緊要係近來真係有好多新酒店同新既設施落成..... 所以我覺得每次去澳門都唔會覺得厭架!

而我最喜愛呢, 就係3日2夜既玩法既, 第一日去到澳門就可以HEA吓, 去龍環葡韻住宅式博物館

影吓沙龍相, 再去官也街食下午茶食木糠布甸, 飲吓咖啡, 夜晚就SHOPPING吓, 食吓葡國野食, 食埋甜品仲PERFECT啦!

第二日就可以留係酒店食吓早餐, 週圍行吓SHOPPING吓, 你知依家的酒店既店舖係香港搵唔到架嘛, 唔買野就走寶啦!  夜晚就可以去行大三巴行吓, 再去議事亭附近食晚飯, 我每次都搵唔同餐廳食飯架!

第三日就可以係酒店做吓運動先, 之後就去食個Brunch, 再去睇吓有咩特別既SHOW睇吓, 買埋手信就去搭船返香港架啦!  係咪好充實先?  其實呢, 講起睇show, 澳門近來有咩show係好正先? 我就極度推介呢個show啦..... 點解我會知? 因為我早前特地過了澳門睇預覽啦!

個show點解咁正而又非睇不可先?  而佢係咩黎架?

世界知名敲擊樂表演團隊STOMP: 於1991年由Luke Cresswell及Steve McNicholas創立，結合敲擊樂、舞蹈、戲劇及受日常生活啟發而成的情境喜劇於一身。而表演者更運用隨手可得既日用品: 例如打火機、垃圾桶蓋、廚房洗手盆等等，創造截然不同既聲響!  組成極富娛樂性既音樂節奏!  團隊先後走遍六大洲共53個國家，為全球逾1,200萬名觀眾帶來超過兩萬場既精彩演出!  而我, 當日係現場, 真係俾佢地既表演已經吸引左!

我拍左少少精彩既預演俾各位睇睇架:

STOMP表演團隊運用竿、管子和掃把，為觀眾帶來精彩既預演架!

好有節奏感同動感既表演呀!

STOMP由演出至今已運用了5萬盒火柴、3萬把掃把、2萬個垃圾桶、1萬枝鼓棍和2萬5千公升的黑色油漆及737枝油漆滾筒。這個源自英國的表演團隊迄今已巡迴演出25年，他們極具感染力和激情的演出，赢得全球觀眾的愛戴。STOMP在全球有多達5個表演團隊，分別在北美、歐洲、全球各國、紐約（已成立22週年）及倫敦（已成立13週年），為世界各地的觀眾帶來巡迴表演。

STOMP將於9月23日至10月9日在威尼斯人劇場演出, 

想睇呢個咁精彩既show既朋友一定唔好錯過啦!  

訂票詳情: www.cotaiticketing.com

睇完show之後, 我仲同我既去旅行既好拍檔 Shelliemay 係澳門威尼斯人既大運河影返少少寫真先啦!

而我係澳門咁多酒店之中, 最喜愛威尼斯人酒店, 因為商店內裡既店舖設計, 仲有個藍天..... 我可以望住成15分鐘^^

下次去澳門呢, 我希望同埋霖霖去睇STOMP既演出呢!

咁我快的PLAN定行程先得^^  

再次同大家講中秋節快樂先!