明亮眼眸的秘密武器 OLAY極緻全效眼霜及抗皺眼霜試用分享

過兩日就係聖誕節, 又有假期, 又多PARTY, 實會同朋友仔玩到好夜啦, 尤其我地呢的媽媽, 又要工作, 又要湊小朋友, 又要為家人朋友準備聖誕禮物, 跟住夜晚先有自己時間, 皮膚一定會透支啦!

點算好呢, 又要敷MASK搽CREAM啦, 仲有呀, 對眼仔都會好疲倦架, 點算好呢?  唔怕, 我近來就用左呢對護眼孖寶, 就算夜晚夜左少少訓, 狀態都冇跌WATT架!

近呢個月就係用左美國原裝生產既OLAY既:

「極緻全效眼霜」Ultimate Eye Cream - 13ml (HKD 299.9)

同埋 「Pro-Retinol 抗皺眼霜」- 15ml (HKD 299.9)

係日間護理, 我就推薦用「極緻全效眼霜」Ultimate Eye Cream.  點解佢叫做極緻眼霜? 因為佢係 3合1功效包括祛除黑眼圈、眼纹和眼袋架!  仲有注入Penta-peptide、Niacinamide及Glycerin等優質成份, 而我最LIKE既既質地好清爽! 其實如果係日間會帶CON既朋友, 經常會拉扯眼部既, 膠原蛋白好易流失, 所以一定好好保護雙眼, 延緩雙眼肌膚衰老跡象架!  而最特別既係, 蝦肉色既眼霜能夠有效遮蓋黑眼圈架，係修護既同時仲可以均勻眼周既肌膚添~!  提提大家搽眼霜一定要溫柔唔好大力呀!

而到左晚上, 修護既黃金時間真係唔好忽視!  經過一日既辛勞, 一定要用上「Pro-Retinol 抗皺眼霜」!  針對眼周既皺紋，「Pro-Retinol 抗皺眼霜」特別加入左Pro-Retinol及Carnosine，Pro-Retinol具有淡化皺紋、撫平細紋的功效! 而我每晚都會用係眼周有魚尾紋同幼紋既地方! 而我仲係輕輕打圈呀~! 而最正就係如果額頭或者其他有深度皺紋的地方都可以搽架!

教多大家一個好方法啦, 就係用埋<EYE 鬆急救棒> 配合產品一齊用啦! 

配合Olay Eye Cream以引流方式按摩，令眼霜內既精華深層滲透至眼部底層，有效舒緩眼部浮腫及鬆弛，並加快淡化皺紋，更可達致放大雙眼之效。如果早上眼有少少浮腫或者眼腫都可以用佢幫忙架!  慢慢打圈對眼仔就可以好BLING BLING架啦^^

聖誕同新年想KEEP住對眼仔都要好BLING BLING, 一定要同呢對明亮眼眸的秘密武器啦!

重有呀!  美國No.1護膚品牌及眼部護理專家Olay擁有17年眼部肌膚細胞訊號科研實力，研發Olay奇蹟眼霜系列, 自開售起在美國市場大賣， Olay Ultimate Eye Cream更榮獲美國第一美容雜誌Allure評選為Best of Beauty 2016最佳日用眼霜!  所以大家一定放心用啦!^^

工欲善其事 - 必先有ZOAY化妝掃! 化靚妝SO EASY!

屈指一算, 原來我已經在化妝這環境工作了十多年了, 還記得初初去學化妝, 什麼也不知道, 產品邊樣打邊樣都唔知, 仲有要買咩產品呀, 工具呀, 化妝箱等等, 而多年前學化妝還未普及, 價錢也很貴, 所以我到依家仲好有深刻印象呢~

比起以前, 依家買產品真係多好多選擇, 價錢可以貴買, 也可以平買, 又可以上網買, 又可以去行店舖買, 依家真係幸福好多啦~! 不過, 到依家都仲有好多想去學化妝既朋友都有問我, 如果首要買既產品, 必定要買咩先? 我一定會答你: 工欲善其事, 必先利其器..... 就係好重要既化妝工具 – 化妝掃啦!

冇好既工具, 如果俾幾好品質既產品俾你, 你都未必化到一個靚既妝既~! 而我都試過不同價錢既化妝掃, 有平既, 有貴既, 有來自日本既, 也有試過美國等等..... 而近來我就試左一個來自香港既化妝掃牌子, 質量同價錢, 真係.... 幾好架, 仲有吸引我添! 點解? 因為, 佢既價錢真係好經濟, 但係佢又真係好OK吓~ 不如, 同大家介紹吓啦!

ZOAY 的創辦人, 創立了這一系列神奇既魔法棒, 而我有邊幾支魔法棒呢?

包括有:

特大頭碎粉掃 - HK$69.00 

扁頭粉底掃 - HK$36.00 

尖頭胭脂掃 - HK$59.00 

局部暈染修容掃 - HK$22.00 

眼窩暈染眼影掃 - HK$22.00 

其實化妝步驟真係好簡單, 我每日化妝都會用到呢5支掃既; 首先搽完BASE, 我就會用扁頭粉底掃搽濕粉或者BB/CC CREAM既~

均勻咁搽完濕粉之後, 就用特大頭碎粉掃掃上碎粉作定妝之用! 記得要搽碎粉呀, 如果唔係個妝好快會浴曬架!

記得唔好忘記搽埋面頰兩旁呀, 如果唔係就會有兩截色架啦!

上完碎粉, 晝好眉毛, 就可以用眼窩暈染眼影掃搽EYE SHADOW啦! 而想眼影個效果持久又唔易溶眼妝, 一定要搽上EYE BASE, 之後再搽上眼影粉!

記住搽上眼影時必定要輕手, 我都建議用返啡TONE既眼影粉打底, 再搽上適合秋冬顏色既EYE SHADOW!~

大家有冇搽陰影粉呢? 各位美女一定要學架, 因為真係個鼻會高的, 輪廓會特出好多架!

好似我咁, 由眼頭位置用掃拉落去鼻頭, 再拉埋落去鼻頭, 記住要輕手呀!

而用既顏色都係接近膚色或者深一度膚色既陰影粉就OK啦!

而想有靚又自然紅潤既面色, 唔好忘記搽胭脂呀! 用埋尖頭胭脂掃打圈搽返胭脂~

再搽返個咀咀, 咁一個靚妝便完成啦!

要化個靚妝, 有好既化妝掃幫手, 真係EASY JOB 啦!

Zoay 化妝掃~

Official site : http://www.zoaybeauty.com

Facebook: https://www.facebook.com/ZOAYbeautybrushes/

Instagram: https://www.instagram.com/zoaybeautybrush/

輕輕鬆鬆在家動手做 - Phyto Derma 半永久駐顏粉底分享~

這幾天在美容展工作, 而身為美容與化妝界別士的一員, 點都要在工作以外, 抽空看看有什麼不同的儀器, 產品, 化妝品, 化妝工具的新潮流, 新玩意啦~  當然在這不能一一與大家分享, 但我看到的是, 看到了半永久的產品, 用品真的大行其道, 好彩早前我已經一早了解過, 更加試用了, 效果如何? 而且你又知道什麼是半永久的技術及產品嗎?  不如我就同大家分享我早前試用的半永久駐顏粉底吧, 非常適合非常忙碌又想靚, 和沒有時間去美容院扮靚既各位架!

首先講講半永久駐顏粉底係咩東東黎架呢?

其實駐顏粉又叫半永久駐顏粉底，佢係一種純植物天然提取嘅膚色美白精華，可以利技納米導入真皮層，能夠均匀膚色，遮蓋毛孔同色斑，仲可以淡化疤痕，重有女生最怕嘅黑眼圈，而且唔會甩妝，絕對係安全既美白產品。導入後皮膚像塗了BB cream 一樣除左淡斑同美白，佢仲可以改善皮膚泛紅，黑點或者膚色唔理想等等問題做完肌膚變得亮澤，膚色均勻，感覺非常自然架！

而可以用咩工具幫手呢?

可以使用電動納米導入儀 (使用充電式就最方便啦!) 而每次使用既時候, 配合納米頭高速振動，非常容易控制架，而且輕巧方便, 而納米頭係即棄既, 咁樣就可以確保衛生同無菌狀態既

用咩力度/度數去做導入呢? 

每次使用時, 可因應皮膚不同既厚度同接受程度, 可以隨意調較長度和速度，增加吸收效果，而眼部因為皮膚效薄, 建議可以調較0.25, 而一般皮膚可以使用0.5~

簡單講左少少啦, 係時候示範一吓啦, 而我呢依家都會10日做一次導入, 所需要既時間只需要很短時間, 但係就可以保持皮膚狀態, 真係好方便!

首先, 清潔面部, 用PEELING去除死皮, 因為咁樣做係可以增加吸收效果，因為角質太厚既時, 皮膚會比較難吸收駐顏粉既，而我就會睇返皮膚狀態選擇不同功用既精華作打底之用 (個人喜愛保濕或緊緻效果既精華, 輕按5-8分鐘至完全吸收曬，又或者可以用電動納米導入儀導入精華也可, 之後, 將駐顏精華塗於面上, 再開動儀器 (要記得先調較好長度、速度呀!) 

以全面打圈既方法, 將駐顏精華進行導入(一定要記得唔好用拖拉既手法呀^^), 由面頰開始做, 當發現駐顏粉已經被面部吸收了很多既時候, 一定一定要補搽精華呀! 

以全面打圈既方法, 將駐顏精華進行導入! 

 直至將整支駐顏粉導入就完成導入步驟，之後再輕輕按至均勻，不用洗淨架, 最後再配合面膜敷上, 建議用上水份MASK敷20分鐘, 再洗乾淨面部就可以了啦!

%

其實我做左一次之後, 我已經發現皮膚白左同色素均左, 以家我出街都少左用粉底, 而且毛孔都細左同冇咁暗啞啦~!

                   

提提大家呀, 駐顏粉底並不是普通既粉底黎，佢既主要成份係是由透明質酸同天然植物精華提煉而成，不會堵塞毛孔架!  而駐顔粉底完全代謝掉後，皮膚也會比未做療程之前雪白、亮澤，做完唔洗化妝都會好似化左妝一樣又白又滑架!

黎緊12月就要迎接各大小PARTY, 快的入手定一套半永久既產品幫皮膚駐顏啦!

產品資料:

零售價格

$780 - 精華 (一盒10支x5ml）

$15 - 納米頭

$1,380 - 電動納米導入儀加一盒精華

產品資料: https://www.facebook.com/phytodermaskincare/